कतार नेपाली एकता समाज सनैया सी एरियाको प्रशिक्षण कार्यक्रम सम्पन्न
February 18, 2019 मा प्रकाशित

उद्धव मगर, दोहा कतार।
कतार नेपाली एकता समाज सनैया सी एरिया समितिको १५ फेब्रुअरी २०१९ का दिन प्रशिक्षण कार्यक्रम सम्पन्न भएको छ ।
अध्यक्षता भुपेन चन्द, कार्यक्रम सञ्चालक विक्रम तरामु,र स्वागत भाषण शेर बहादुर वि.कले गर्नु भएको उक्त कार्यक्रममा प्रशिक्षक केन्द्रिय समितिका अध्यक्ष हेमन्त वाईवा, केन्द्रिय सदस्य थम्मन थापा, उपस्थिती रहेको थियो ।

प्रशिक्षणमा मुख्य विषय मजदूर वर्गको समस्या र समाधान प्रश्नोत्तर रहेको थियो। यस प्रशिक्षण कार्यक्रममा प्रशिक्षित गर्दै स्पष्ट पार्दै भन्नु भन्नु भयो अहिले वास्तवमा भन्नु पर्दाखेरी मजदूरहरुको हित गर्ने मजदूर वर्गको सरकार बनाउनेदेखि मजदूरमाथी हुने शोषण,उत्पीडन, दमन अन्याय र अत्यचारको विरुद्ध मजदूरको पक्षमा संघर्ष गर्ने अनेनौं नामधारी कम्युनिष्ट पार्टी तथा ट्रेड युनियनहरु अस्तित्वमा छन् ।

तर मजदूरहरुका पक्षमा संघर्ष गरेर मजदूरवर्गको अधिकारलाई सुनिश्चित गर्ने काम गरेका देखिदैनन् । विश्वभरका मजदूरहरु शोषित पिडीत, दमित,नभएका कुनै पनि क्षे्त्र छैनन् । प्रत्येक पाईला पाईलामा थिचिएका चुसिएका र अपमानित भई रहेका छन् । अनौपचारिक क्षेत्रमा काम गर्ने मजदूरहरु सबैभन्दा बढी शोषित छन् ।

उनीहरुका नामधारी संगठन पनि बनेका छैनन् । शोशक शाषक मालिक वर्गको सरकारले मजदूरहरुको आँखामा छारो हाल्ने श्रम ऐन २०७४ पास गरेको छ जसमा परिच्छेद ७ अनुसार काम गर्ने समय रोजगारदाताले श्रमिकलाई प्रतिदिन ८ घण्टा र एक हप्तामा ४८ घण्टाभन्दा बढी समय काममा लगाउन पाइने छैन भन्दै श्रमिकलाई लगातार ५ घण्टा काम गरेपछि आधा घण्टा विश्राम लिनु पर्ने छ ।

ओटी बढी समय काममा लगाउने सम्बन्धी व्यवस्थामा रोजगारदाताले कुनै श्रमिकलाई दफा २८ को अधिनमा रही गरेको कार्य समयभन्दा बढी समय काममा लगाउनु परेमा प्रतिदिन ४ घण्टा र एक हप्तामा २४ घण्टाबढी काममा नहुने गरी लगाउन सकिने छ । यस्ता अनेकौं दफाहरु छन् । तर कागजमा भएका ऐन कानुन व्यवहारमा लागु गरिदैनन् ।

रोजगारदाताहरुले ऐन कानुनको सधै धज्जी उडाउदै् आएका छन् भन्दै आगामी दिनहरुमा आम शोषित पीडित मजदूरहरु एक हुनु पर्ने विकल्प नभएको बताउदै प्रशिक्षण दिनु भएको थियो । अन्तमा अध्यक्ष भुपेन चन्दले कार्यक्रम अत्यन्तै अनुशासित र मर्यादित समापन भएको घोषणा गर्नु भएको थियो ।

हामीसँग फेसबुकमा जोडिन तथा निरन्तर ताजा समाचारहरुको साथमा रहनका लागि LIKE & SHARE गर्नुहोस।

यसमा तपाईको प्रतिकृया लेख्नुहोस

सम्बन्धित समाचार