मृगौला पिडितलाई तनहुँ सेवा समाजको आर्थिक सहयोग
February 4, 2019 मा प्रकाशित

तिलु शर्मा पौडेल ।
तनहुँ सेवा समाज दोहा कतारले मृगौला पिडितलाई आर्थिक सहयोग गरेको छ । जिल्लाको घिरिङ गाउपालिकामा स्थायी बसोबास भए पनि हाल नवलपुरमा बस्दै आएकी मृगौला रोगि राममाया रानाभाटलाइ सहयोग गरेको हो ।

अस्पतालको रिपोर्ट अनुसार मृगौला प्रत्यारोपण गर्नु पर्ने र बिरामीको आर्थिक अबस्था एक दम कमजोर रहेको हुदा बिरामीका आफन्तले आर्थिक सहयोगका लागि समाज संग याचना गरेका थिए । लगत्तै सस्थाले सह कोषाध्यक्ष पदम बहादुर रानाभाटको संयोकत्वमा एक समिति गठन गरि २५५०० आर्थिक संकलन गरेको थियो ।

सन्कलित रकम सस्थाका महासचिव पदम गिरीले पीडित महिलाको अस्थायी बसोबास रहेको ठाउमा पुगी स्थानिय समाजसेवी दिपक तामाङ,राजन कटुवाल,भोज बहादुर क्षेत्री र सकृय महिला समाजसेवी कमला के सि को उपस्थितिमा पीडित महिलाको श्रीमान यम बहादुर रानाभाटलाई हस्तान्तरण गरेका हुन् ।

सहयोग हस्तान्तरण कार्यक्रममा उपस्थिति स्थानीय समाजसेवीहरुले तनहुँ सेवा समाजको सामजिक कार्यको खुलेरै प्रसंशा गरेका थिए भने पीडितको श्रीमानले सस्था र आर्थिक सहयोग दाता सबैलाइ धन्यवाद व्यक्त गरेका थिए ।

हामीसँग फेसबुकमा जोडिन तथा निरन्तर ताजा समाचारहरुको साथमा रहनका लागि LIKE & SHARE गर्नुहोस।

यसमा तपाईको प्रतिकृया लेख्नुहोस

सम्बन्धित समाचार