व्यबसायिक कृषि र पर्यटनले प्रदेश समृद्ध हुन्छ- मन्त्री चौधरी
December 6, 2018 मा प्रकाशित

साझा नेटवर्क,प्युठान,मंसिर-२०।
प्रदेश नं.५ का भौतिक पुर्वाधार विकास मन्त्री बैजनाथ चौधरीले व्यवसायिक कृषि र पर्यटनले मात्र  प्रदेश समृद्ध हुने बताएका छन् । प्यूठानको जुम्री स्थित होटल आयुष्मामा मुख्यमन्त्री तथा मन्त्रिपरिषदको कार्यालय प्रदेश नं. ५ ले आयोजना गरेको आवधिक योजना (२०७६ र ०७७ देखि ०८० र ०८१) तर्जुमा सम्बन्धी जिल्ला स्तरिय सुझाव संकलन गोष्ठीमा मन्तव्य राख्दै मन्त्री चौधरीले प्रदेश नं. ५ को आगामी प्राथमिकता व्यवसायिक कृषि र प्रर्यटन भएको बताएका हुन ।
प्रदेशले तयार गर्ने ५ वर्षे आवधिक योजना तयार गर्न लक्ष्य,रणनीति र कार्यनीति वारे  सुझाव संकलन गरेको छ । गोष्ठिका प्रमुख अतिथि चौधरीले  प्रदेश सरकार अहिले विभिन्न नीतिगत र कानुन निमार्णको प्रक्रियामै रहेको जानकारी दिदै ,–‘कृषि र पर्यटन पाँच नम्बर प्रदेशको विकासका मुख्य आधार भएको बताए साथै ’ कृषिको आधुनिकिकरण गर्न, कृषि क्षेत्रबाट रोजगारीको सिर्जना गर्न प्रदेश सरकारले अनुदानका कार्यक्रम अगाडी वढाएको समेत उनले जानकारी दिए । मन्त्रि चौधरीलले भने,–‘प्रदेशका १० वटा सहकारी मार्फत कोल्डस्टोर ५ वर्ष भित्रमा  बनाउने योजनामा छौँ । ’ किसानलाई कृषि क्षेत्रबाट जीविका चलाउनका लागि प्रदेश सरकारले लिजमा जग्गा लिएर व्यवसायिक कृषि उत्पादनमा आकर्षीत गराउने योजनामा जोड दिईरहेको छ ।

पाँच नम्बर प्रदेशको मुख्य पर्यटकीय क्षेत्र लुम्बिनी हो । लुम्बिनी  आएका पर्यटकहरुलाई पाल्पाको रानीमहल,प्युठानको स्वर्गद्धारी ,बाग्लुङको ढोरपाटन लगाएतका क्षेत्रमा घुमाउने वातावरणको सिर्जना गर्दै छौँ ।’ प्रदेश सरकारले कृषि र पर्यटकिय क्षेत्र मार्फत प्रदेशलाई समृद्ध बनाउनका लागि आवश्यक नीति निमार्ण बनाउने चरणमा रहेको  समेत मन्त्री चौधरीले जानकारी दिएका छन्। सरकारको गौरवको आयोजनामा प्युठानको नौमुरे जलविद्युत आयोजना र स्वर्गद्धारी केबलकार परेका छन् । विजुली र सिंचाईलाई मुख्य प्राथमिकता दिई गौरवको योजनामा परेको भौतिक पुर्वाधार मन्त्री चौधरीको भनाई छ । त्यस्तै स्वर्गद्धारीमा केबलकार निमार्णका लागि प्रदेश सरकारले नीति नियमका कार्य अगाडी वढाएको उनले जानकारी दिए ।

हाल ५ नं. प्रदेश को प्रति व्यक्ति औषत आय ९ सय ५० अमेरिकी डलरमा रहेकोमा आर्थिक वर्ष २०८०÷०८१ सम्ममा २ हजार बनाउने लक्ष्य लिएको मन्त्री चौधरीको भनाई छ । होटल आयुष्मा जुम्री प्युठानमा भएको सुझाव संकलन गोष्ठीमा ४ समुह बनाइ सुझावहरू संकलन गरिएको छ । पहिलो समुहले समष्टिगत नीति र आर्थिक क्षेत्र, दोस्रोले सामाजिक क्षेत्र, तेस्रोले पूर्वाधार क्षेत्र र चौथो समुहले सुशासन संग सम्बन्धित क्षेत्रहरुको सुझावहरू संकलन गरिएको थियो ।
प्रदेश योजना आयोगका सदस्य पुष्पा भुसाल लुइँटेलको  अध्यक्षता रहेको कार्यक्रममा प्रदेश सभा सदस्य कृष्णध्वज खड्का र हरि प्रसाद रिजाल, स्थानीय तहका अध्यक्ष, उपाध्यक्ष, सरकारी तथा गैर सरकारी कार्यालय तथा संघ संस्थाका कार्यालय प्रमुख तथा प्रतिनिधि, प्रमुख प्रशासकिय अधिकृत कलगायताको सहभागी रहेको थियो । भुसालले प्रदेश नम्बर ५ को आवधिक योजनाको क्षेत्रगत लक्ष्य, उद्देश्य, रणनीति तथा कार्यनीतिहरू बारे संक्षिप्त बस्तुस्थिती बारे प्रस्तुति दिएका थिए भने छलफलको सहजिकरण मुख्य मन्त्री कार्यालयका अधिकृत कृष्ण खनालले गरेका थिए।