गजल – कुसुम नेपाली
November 14, 2017 मा प्रकाशित

कहिले तारा, अनि कहिले जून पठाउँछौ ।
बारम्बार यादहरुको सगुन पठाउँछौँ ।

बन्दकीमा सिँउदो राखी , गाँसिएको नाता
छुटाउन वकिल अनि कानुन पठाउँछौ ।

मास्टर गर्या दाइ, ब्याचलर गर्या भाइ छ ।
भन सरकार , बिदेश अब कुन पठाउँछौ ?

बाटो हेर्दै दिन रात, गुजारेकी प्यारीलाई
कुराएर उपहार व्यर्थै , सुन पठाउँछौ ।

लाग्छ ढुंगाखानि भाछ , मेरै मुटु अचेल।
अनयासै तिमी भने, ढुंगा चुन पठाउँछौ ।

 


कुसुम नेपाली
गुल्मी ।

हामीसँग फेसबुकमा जोडिन तथा निरन्तर ताजा समाचारहरुको साथमा रहनका लागि LIKE & SHARE गर्नुहोस।

यसमा तपाईको प्रतिकृया लेख्नुहोस

सम्बन्धित समाचार